Türkiyənin “Milliyet” qəzetində Ulu Öndərə həsr olunan məqalə dərc edilib
İstanbul, 10 may, AZƏRTAC
Ümummilli lider Heydər Əliyevin anadan olmasının 96 illiyi münasibətilə Türkiyənin “Milliyet” qəzetində Azərbaycanın İstanbuldakı baş konsulu Məsim Hacıyevin məqaləsi dərc olunub.
AZƏRTAC xəbər verir ki, məqalədə Azərbaycanın inkişafında və dünyanın qabaqcıl ölkələri arasında yer tutmasında Ümummilli Liderin əvəzsiz xidmətləri qeyd edilib.
Baş konsul müasir Azərbaycan Respublikasının qurucusu, Azərbaycan xalqının ulu öndəri Heydər Əliyevi onun dünyaya əmanət etdiyi əsərləri ilə yad etməyin hər birimizin borcu olduğunu qeyd edib. O, Azərbaycanın müstəqil dövlət olaraq inkişaf etməsi, güclənməsi və dünya dövlətləri sırasında qürurla yerini tutmasının məhz Ulu Öndərin adı ilə bağlı olduğunu vurğulayıb. Bildirib ki, zəngin idarəçilik təcrübəsi olan ümummilli lider Heydər Əliyev bir çox sahələrdə olduğu kimi, müasir Azərbaycan diplomatiyasının da qurucusudur.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
