Türkiyənin Van vilayətində Xocalı soyqırımı qurbanlarının xatirəsi anılacaqdır
Bakı, 12 yanvar (AZƏRTAC). Fevral ayında Van vilayətində Əsassız Erməni İddialarına Qarşı Beynəlxalq Mübarizə Dərnəyinin (ASİMDER) təşkilatçılığı ilə Xocalı soyqırımına həsr olunmuş anım tədbiri keçiriləcəkdir.
AZƏRTAC Türkiyə KİV-lərinə istinadla xəbər verir ki, tədbirdə Xocalı soyqırımından bəhs edən fotosərgi nümayiş olunacaq və faciə qurbanlarının xatirəsi anılacaqdır.
Tədbirdə istər çar Rusiyasında yaşadığı vaxtlarda və istərsə də Türkiyənin qurtuluşu dövründə bölgədə erməni cinayətkar qruplarına qarşı azərbaycanlılarla birlikdə mübarizə aparmış Van vilayətinin tanınmış şəxsiyyətlərindən biri Knyaz Qartalın xatirəsi də anılacaq, onun həyatından bəhs edən kitabın təqdimatı keçiriləcəkdir.
Bölmənin digər xəbərləri
