Üç ay davam edən layihə yekunlaşmışdır
Bakı, 29 oktyabr (AZƏRTAC). İqtisadi Resursların Öyrənilməsi Mərkəzi “Turizm biznesində təbii resurslardan səmərəli istifadə olunması yolu ilə təbii abidələrin qorunması” layihəsini yekunlaşdırmışdır.
Mərkəzdən AZƏRTAC-a bildirmişlər ki, üç ay davam edən layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirilmişdir.
Layihə çərçivəsində Xaçmaz, Lənkəran və Şəki şəhərlərində regional turizm informasiya mərkəzləri, mədəniyyət və turizm idarələrinin əməkdaşları üçün seminarlar təşkil edilmişdir. Seminarlarda təbii abidələr, onların qorunması yolları, Azərbaycanda ekoturizmin inkişaf perspektivləri, turizmdə menecment işinin təşkili, marketinqin aparılması qaydaları öyrənilərək müzakirə olunmuşdur.
Layihəyə cəlb olunmuş sahibkarlıq subyektləri və turizm biznesində maraqlı olan şəxslər mütəxəssislər tərəfindən keçirilmiş seminarlardan öz gələcək işlərini qurmaq üçün xeyli bilik əldə etmişlər.
Bölmənin digər xəbərləri
