UEFA İnkişaf Turniri: Azərbaycan millisi bu gün Gürcüstanla qarşılaşacaq
Bakı, 16 aprel, AZƏRTAC
Azərbaycanın 17 yaşadək futbolçulardan ibarət milli komandası Moldovanın paytaxtı Kişineuda təşkil olunan UEFA İnkişaf Turnirində bu gün növbəti oyununu keçirəcək.
AZƏRTAC xəbər verir ki, U-17 turnirdəki ikinci sınağında Gürcüstanın müvafiq yaş qrupundan ibarət komandası ilə qarşılaşacaq. Görüş Bakı vaxtı ilə saat 12:00-da başlayacaq.
Qeyd edək ki, millimiz turnirdəki ilk matçında Moldovaya 0:1 hesabı ilə məğlub olub. Növbəti oyun isə aprelin 19-da Estoniyaya qarşı olacaq.
Bölmənin digər xəbərləri
