UKRAYNA HƏKİMLƏRİ NADİR CƏRRAHİYYƏ ƏMƏLİYYATI APARMIŞLAR

04.08.2004 [15:32]
Çap et
A⁺ A^-

AZƏRTAC-ın Ukrinformdan aldığı xəbərə görə, Kiyev Cərrahiyyə və Transplantologiya İnstitutunda həkimlər bir ay əvvəl üzərində nadir cərrahiyyə əməliyyatı apardıqları onaylıq Rita Bıkovanı jurnalistlərə təqdim etmişlər. Bu əməliyyat zamanı qızın anasının qaraciyərinin bir hissəsi ona köçürülmüşdür. İndi həmin hissə Ritanın öz qaraciyərinə bitişmiş və funksiyalarını yerinə yetirir. Həkimlər bildirmişlər ki, qızın ümumi inkişafı tam normaldır və onun qaraciyəri ilə əlaqədar heç bir fəsad gözlənilmir.

Dördaylıq olanda Ritaya öd kanallarının atreziyası, yəni təbii çıxıntının anadangəlmə olmaması diaqnozu qoyulmuşdu. Bunun nəticəsində əmələ öd gələn qaraciyərdə yığılaraq, onu dağıdırdı. Belə xəstəliyi olan uşaqlar, adətən, 3 ildən artıq yaşamırlar. Belçikada Rita üzərində 84 min avroya cərrahiyyə əməliyyatı aparmağa razılıq vermişdilər. Ailə sponsorlar tapdıqda məlum olmuşdur ki, elə Kiyevin özündə 10-dək bu cür əməliyyat aparılmışdır. Cərrahiyyə və Transplantologiya İnstitutunun direktoru Valeri Sayenko və cərrah Oleq Kotenko bu əməliyyatı uğurla başa çatdırmışlar. Orqanın köçürülməsi əməliyyatı 18 saat çəkmişdir.

UKRAYNA HƏKİMLƏRİ NADİR CƏRRAHİYYƏ ƏMƏLİYYATI APARMIŞLAR

MÜƏLLİFLƏ ƏLAQƏ

Bölmənin digər xəbərləri