Ukraynada hərbi vəziyyət və səfərbərlik müddəti yenidən uzadılacaq
Kiyev, 26 oktyabr, AZƏRTAC
Prezident Volodimir Zelenski Ukraynada hərbi vəziyyətin və ümumi səfərbərliyin daha 90 gün uzadılmasını təklif edən qanun layihələrini Ali Radaya təqdim edib.
AZƏRTAC bu barədə Ali Radaya istinadla xəbər verir.
Sənədlərə əsasən, xüsusi hüquqi rejim və səfərbərlik tədbirlərinin daha 90 gün - 2027-ci il yanvarın 28-nə qədər uzadılması təklif olunur.
Təşəbbüs artıq baxılması üçün müvafiq komitələrə və Ali Radaya təqdim edilib. Parlament üzvlərinin müsbət səsverməsindən sonra bu, Rusiyanın 2022-ci ilin fevral ayında tammiqyaslı işğalının başlanğıcından bəri hərbi vəziyyətin uzadılması ilə bağlı 21-ci qərar olacaq.
Çağırış hərbi xidmətə yararlı və təxirə salınma və ya rezervasiya üçün əsasları olmayan 25-60 yaş arası hərbi mükəlləfiyyətlilərə aid olunur.
Bununla yanaşı, 18-25 yaş arası kişilər yalnız qanunla müəyyən edilmiş müstəsna hallarda səfərbərliyə məruz qalırlar və ya müqavilə əsasında könüllü olaraq Ukrayna Silahlı Qüvvələrinin sıralarına qoşula bilərlər.
Hərbi xidmətə qeydiyyatdan keçmiş qadınlar yalnız öz xahişləri ilə orduya və ya müdafiə işlərinə cəlb olunurlar.
Bölmənin digər xəbərləri
