Ukraynada saxlanılan terrorçu Türkiyəyə gətirilib
İstanbul, 11 sentyabr, AZƏRTAC
Ukraynada saxlanılan PKK/KCK terrorçusu İsa Özer Türkiyəyə gətirilib.
AZƏRTAC xəbər verir ki, terrorçunun Türkiyəyə gətirilməsi qardaş ölkənin Milli Kəşfiyyat Agentliyi tərəfindən keçirilən əməliyyat nəticəsində baş tutub.
Əldə edilən məlumata əsasən, saxlanılması barədə qərar çıxarıldıqdan dərhal sonra Türkiyə ərazisini tərk edən terrorçunun Odessada olduğu müəyyən edilib. Silahlı terror təşkilatına üzv olma şübhəsi ilə axtarışda olan terrorçunun Ukraynada da terror fəaliyyətini davam etdirdiyi bildirilir.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
