Ukraynada sərnişin avtobusunun qəzaya uğraması nəticəsində azı 5 nəfər həlak olub
Kiyev, 11 sentyabr, AZƏRTAC
Ukraynada ağır yol-nəqliyyat hadisəsi baş verib.
AZƏRTAC Ukrayna Yol Patrul Polisinin saytına istinadla xəbər verir ki, sentyabrın 11-də səhər saatlarında Kiyev-Xarkov yolunda iki yük avtomobilinin və mikroavtobusun toqquşması nəticəsində azı 5 nəfər həlak olub, 20 nəfər isə xəsarət alıb.
Hadisəyə səbəb yük avtomobillərindən birinin ötmə qaydasını pozması olub. Nəticədə həmin yük avtomobili qarşıdan gələn avtobusla toqquşub.
Xəstəxanaya yerləşdirilən sərnişinlərin bəzilərinin vəziyyətinin ağır olduğu bildirilir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
