Ukraynalı politoloq: Ermənistanın militarist hərəkətləri münaqişənin kəskinləşməsinə səbəb olub
Kiyev, 29 sentyabr, AZƏRTAC
2020-ci ilin yayından bəri Ermənistan tərəfindən müxtəlif növ militarist hərəkətlər güclənib və bu da təbii olaraq münaqişənin kəskinləşməsinə səbəb olub. Təəssüf ki, bu vəziyyətə dünya birliyi lazımi reaksiya vermədi ki, münaqişənin artmasının qarşısı alınsın.
AZƏRTAC xəbər verir ki, bunu Ukraynanın “Doktrina” Siyasi Araşdırmalar Mərkəzinin rəhbəri, politoloq Yaroslav Bojko deyib.
Yaroslav Bojko bildirib ki, Azərbaycan ərazi bütövlüyünün bərpası istiqamətində kursu ciddi şəkildə davam etdirmək niyyətindədir, baxmayaraq ki, bu, uzun bir prosesdir. Politoloq işğal olunmuş ərazilərin geri qaytarılmasının, ərazi bütövlüyünün bərpasının, sərhədlərin toxunulmazlığının və mövcud dünya düzəninin qorunmasının önəmini qeyd edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
