Ukraynanın energetika naziri: Enerji sistemlərinin dayanıqlılığının artırılması üçün yeni yanaşmaların tətbiqi vacibdir
Bakı, 1 iyun, AZƏRTAC
Müasir dövrdə enerji sistemlərinin dayanıqlılığının artırılması üçün yeni yanaşmaların tətbiqi vacibdir.
AZƏRTAC xəbər verir ki, bu sözləri Ukraynanın energetika naziri Denis Şmıqal Bakı Enerji Forumunda çıxışı zamanı deyib.
O bildirib ki, Ukraynanın müharibə şəraitində qazandığı müqavimət və rəqəmsallaşma təcrübəsi artıq praktiki həllərə çevrilir və tərəfdaş ölkələrlə paylaşılır.
“İlk növbədə enerji sistemlərində ayrı-ayrı obyektlərin deyil, funksiyaların qorunmasına üstünlük verilməlidir. Bundan əlavə, müdafiə mexanizmləri birbaşa enerji sisteminin özünə inteqrasiya olunmalıdır. Dayanıqlılığın məntiqi ondan ibarətdir ki, mərkəzi şəbəkə sıradan çıxsa belə, əsas funksiyaları qoruyub saxlaya bilən çoxsaylı müstəqil enerji sistemləri yaradılsın”, – deyə o əlavə edib.
Bölmənin digər xəbərləri
