ULU ÖNDƏR HEYDƏR ƏLİYEVİN XATİRƏSİNƏ HƏSR EDİLMİŞ KÜTLƏVİ SAĞLAMLIQ YÜRÜŞÜ KEÇİRİLMİŞDİR
AZƏRTAC xəbər verir ki, mayın 5-də Bakı Şəhər Gənclər və İdman Baş İdarəsi ulu öndər Heydər Əliyevin 85 illik yubileyi münasibəti ilə Huseyn Cavid heykəlinin önündən Fəxri xiyabana qədər kütləvi sağlamlıq yürüşü keçirmişdir.
Yürüşdə müxtəlif federasiyaların təmsilçiləri, Bakı şəhərində fəaliyyət göstərən idman klub və cəmiyyətlərinin idmançıları və tələbə gənclər təşkilatlarının üzvləri iştirak etmişlər.
Tədbir iştirakçıları Fəxri xiyabanda müasir Azərbaycan dövlətinin memarı və qurucusu, ümummilli lider Heydər Əliyevin xatirəsini ehtiramla yad etmiş, məzarı önünə əklil qoymuşlar.
######
Bölmənin digər xəbərləri
