Uluqbek Rozukulov: Özbəkistan birgə layihənin icrası üçün lazımi səyləri göstərəcək
Bakı, 1 may, AZƏRTAC
Özbəkistan Azərbaycanla avtomobilqayırma sahəsində əməkdaşlığı genişləndirməyə hazırdır.
AZƏRTAC xəbər verir ki, bunu jurnalistlərə açıqlamasında “Uzavtosanoat” səhmdar cəmiyyətin idarə heyətinin sədri Uluqbek Rozukulov bildirib.
O qeyd edib ki, birgə avtomobil istehsalı layihəsi Prezident İlham Əliyev və Prezident Şavkat Mirziyoyevin siyasi iradəsi sayəsində həyata keçirilir.
“Hazırda layihənin təşkili ilə əlaqədar bütün praktik məsələlər həll olunub, xüsusən bütün memarlıq, planlaşdırma, texnoloji və mühəndislik məsələləri öz həllini tapıb.
Rozukulov vurğulayıb ki, layihənin icrasının başlanğıcı Azərbaycanın Ümummilli Lideri Heydər Əliyevin 100 illiyi ərəfəsinə təsadüf edir. Bu fakt bizim üzərimizə əlavə məsuliyyət qoyur. Biz Özbəkistan tərəfi olaraq layihənin icrası üçün lazımi bütün səyləri göstərəcəyik. Vurğulamaq istəyirəm ki, layihənin icrası ikitərəfli əlaqələrin möhkəmlənməsinə, o cümlədən avtomobilqayırma sahəsində inkişafa şərait yaradacaq", - deyə o əlavə edib.
Bölmənin digər xəbərləri
