AZƏRTAC xəbər verir ki, aprelin 28-də Bakı Futbol Federasiyasının təşkilatçılığı ilə 1987-89-cu il təvəllüdlü yeniyetmə futbolçular arasında “Ümid” devizi ilə paytaxt çempionatına start verilmişdir.

İlk turun oyunlarının nəticələri belədir: “Azərbaycan U-15” - “Neftçi” PFK- 2:0, “Neftçi” İSM -“Olimpik” - 0:1, “Zəngəzur” - “Təhsil” - 1:1, “İnter” - “Qarabağ” - 0:3, MOİK -“İnam” - 9:1.

Həmçinin həmin gün Bakı Futbol Federasiyasının Nizam-İntizam komitəsinin iclası keçirilmişdir. Tədbirdə uşaq komandaları arasında “Sabahın ulduzları” devizi ilə keçirilən paytaxt birinciliyinin oyunlarında baş vermiş hadisələrə hüquqi qiymət verilmiş, Əsasnamənin tələblərinə qeyri-ciddi yanaşdığına görə bəzi futbolçulara xəbərdarlıq olunmuşdur. Federasiya komandalara, məşqçilərə və valideynlərə müraciət edərək bildirmişdir ki, futbolçuların təvəllüd tarixinin saxtalaşdırılmasına yol verilməməlidir və buna qarşı ciddi tədbirlər görülməsi nəzərdə tutulur.

Xatırladaq ki, uşaq komandaları birinciliyinin növbəti turunun oyunları aprelin 29-da “Şəfa” stadionunda keçiriləcəkdir: “Sülh”- “Ruslan”, “Kənan” - “İnter”, “Vətən” - “Təhsil”, “Neftçi” İSM -“Neftçi” PFK, “Olimpik” - “İnam”.