ÜMUMDÜNYA KİLSƏLƏR ŞURASI: İSRAİL LİVANA PAXILLIQ EDİR VƏ DİNLƏRARASI HƏMRƏYLİYİ DAĞITMAQ İSTƏYİR
Avropa Kilsələr Konfransının (AKK) prezidenti Jan-Arnold de Klermon Cenevrədə mətbuat konfransında demişdir: “Biz Livandan belə təəssüratla qayıtdıq ki, bu basqın əvvəlcədən planlaşdırılmışdı. “Hizbullah”ın cavab reaksiyasından fərqli olaraq, bu, hazırlanmış əməliyyatdır”. O əmin olduğunu söyləmişdir ki, İsrail “yəhudilərin, xristian və müsəlmanların bir-biri ilə mehribanlıq şəraitində yaşadıqları demokratik Livanın mövcudluğunu arzu etmir, çünki özünün uğursuzluğa məruz qaldığı istiqamətdə qonşusunun uğurlarını görmək istəmir”.
AKK-nın prezidenti həmçinin bildirmişdir ki, İsrailin Livana planlaşdırılmış basqını barədə fikri Livanda görüşdükləri bütün dini icmaların və siyasi dairələrin nümayəndələri də dəstəkləyirlər. O, İsrail hökumətinin ÜKŞ nümayəndə heyətini qəbul etmədiyindən təəssüfləndiyini söyləmişdir.
İsrailin “Cerusəlim Post” qəzeti yazır ki, ölkənin BMT-dəki nümayəndəliyi Ümumdünya Kilsələr Şurası nümayəndəsinin çıxışına öz münasibətini hələlik açıqlamamışdır.
Xatırladaq ki, keçən ilin fevralında ÜKŞ İsraili Fələstin torpaqlarının işğalı üçün düşünülmüş siyasət aparmaqda təqsirləndirmiş, İsrailin iqtisadi blokadası üzrə bəzi tədbirləri dəstəkləmişdi.
Bölmənin digər xəbərləri
