“Unibank” evdar xanımlara yeni kredit məhsullarını təklif edir
Bakı, 21 iyun (AZƏRTAC). “Unibank” evdar xanımlara yeni kredit məhsullarını təklif edir.
Bankdan AZƏRTAC-a bildirmişlər ki, Azərbaycanda ilk dəfə olaraq bu növ müştərilər üçün xüsusi şərtlərlə nağd kredit və kredit xətlərinin rəsmiləşdirməsinə başlanmışdır. Evdar xanımlar daimi iş yeri olan ailə üzvlərinın əmək haqqı barədə arayışları əsasında 2 ilədək 2500 manata qədər zaminsiz nağd kredit və yaxud 1 illik məbləği 10 min manatadək kredit xətti cəlb edə bilərlər. Ailə üzvlərinin (həyat yoldaşı və ya övladların) banka gəlməyi mütləq deyildir.
Kreditlərin minimal müddəti 3 aydır və tam məbləği ərizəçinin həyat yoldaşının və ya övladlarının təsdiqlənmiş gəlirləri əsasında müəyyən olunur.
Bakı və Sumqayıt şəhərləri üçün “Evdar xanım” kreditləri üzrə effektiv faiz dərəcə illik 16-17 faiz, digər bölgələrdə isə bu kreditlərin real faiz dəyəri illik 18-19 faiz təşkil edir.
Bölmənin digər xəbərləri
