“ÜNVANLI SOSİAL YARDIM HAQQINDA” YENİ QANUN LAYİHƏSİ HAZIRLANMIŞDIR
Əmək və Əhalinin Sosial Müdafiəsi Nazirliyinin əməkdaşları beynəlxalq ekspertlərin iştirakı ilə “Ünvanlı sosial yardım haqqında” yeni qanun layihəsini hazırlayaraq parlamentə təqdim etmişlər.
Nazir Əli Nağıyev AZƏRTAC-ın müxbirinə demişdir ki, yeni layihə əhalinin aztəminatlı təbəqəsinin sosial problemlərinin həlli, müxtəlif kateqoriyadan olan insanların müavinətləri arasındakı fərqin aradan qaldırılması və digər problemləri həll edəcəkdir. Layihənin bu il parlamentdə müzakirə olunacağı gözlənilir.
Ə.Nağıyev əhalinin sosial problemlərinin həlli ilə bağlı digər layihələrin də hazırlanıb yaxın gələcəkdə hökumətin müzakirəsinə veriləcəyini bildirmişdir.
Bölmənin digər xəbərləri
