ÜSƏMA BEN LADEN TƏRƏFDARLARINA MÜRACİƏT ETMİŞDİR
AZƏRTAC İTAR-TASS-a istinadla xəbər verir ki, “Əl-Qaidə” beynəlxalq terror təşkilatının başçısı Üsəma ben Ladenin öz tərəfdarlarına bu il dördüncü müraciəti internet vasitəsilə yayılmışdır. O, yaxın silahdaşı Zərqavinin həlak olması ilə əlaqədar kədərləndiyini bildirmiş və ABŞ Prezidentindən onun meyidini qohumlarına verməsini tələb etmişdir.
19 dəqiqə 32 saniyə davam edən səsli məktub ben Ladenin və Zərqavinin fotoşəkilləri ilə müşayiət olunur. Lent yazısındakı səsin məhz ben Ladenə məxsus olması hələlik təsdiqlənməmişdir.
Bölmənin digər xəbərləri
