Varşava aeroportu sərnişinsizlikdən əziyyət çəkir
Varşava, 23 iyun, AZƏRTAC
Polşanın Varşava şəhərindəki Şopen Beynəlxalq Aeroportu sərnişinsizlikdən ciddi əziyyət çəkir.
AZƏRTAC xəbər verir ki, may ayı ərzində aeroport cəmi 6 min sərnişinə xidmət edib. Bu isə ötən ilin müvafiq dövrü ilə müqayisədə 99 faiz azdır. Bu dövrdə cəmi 119 təyyarə aeroportdan istifadə edib.
İstifadəçilərin 56,5 faizi şengen zonası üzrə tranzit yolçu olub, qalanları isə məhz Polşaya gələnləri təşkil edib.
Polşa hələlik yalnız şengen və Avropa İttifaqı ölkələri ilə sərhədlərini açıb. Lakin tezliklə onun Türkiyə ilə də uçuşlarını bərpa etməsi gözlənilir.
Qeyd edək ki, Bakıdan da tranzit üzərindən Polşaya mütəmadi uçuşlar həyata keçirilirdi, lakin hazırda pandemiya səbəbindən həmin reyslər dayandırılıb.
Aygün Əliyeva
AZƏRTAC-ın xüsusi müxbiri
Varşava
Bölmənin digər xəbərləri
