Vasili Berezutski: Avrokuboklarda məqsədimiz qrup mərhələsinə yüksəlməkdir
Bakı, 2 iyun, AZƏRTAC
"Sabah"ın baş məşqçisi Vasili Berezutski Azərbaycan Kubokunun finalında "Qarabağ"a qalib gələrək titul qazandıqları oyunu şərh edib.
Matçla bağlı AZƏRTAC-a açıqlama verən rusiyalı mütəxəssis bunları deyib: “Oyun çox gözəl və intensiv keçdi. Matç ərzində penaltilər və əlavə vaxt oldu. Düşünürəm ki, komandamız qələbə və titul qazanmağı haqq etdi. Buna görə də kollektivi birinci titul qazanması münasibətilə ürəkdən təbrik edirəm”.
V. Berezutski bu qələbə ilə UEFA Avropa Liqasına vəsiqə qazanan komandasının avrokuboklardakı hədəflərindən də söz açıb: “Avrokuboklarda məqsədimiz qrup mərhələsinə düşməkdir. Buna nail olmaq üçün əla fürsətimiz var. Azərbaycan Kubokunu qazanmaqla artıq böyük uğura nail olduq”.
Qeyd edək ki, “Sabah” “Qarabağ”la əsas vaxtı 2:2 hesabı ilə başa çatan matçın əlavə vaxtında daha bir qol vuraraq, Azərbaycan Kubokunun qalibi olub.
Bölmənin digər xəbərləri
