Venesuela COVID-19 əleyhinə vaksini neftlə mübadilə etməyə hazırdır
Madrid, 29 mart, AZƏRTAC
Venesuela prezidenti Nikolas Maduro bildirib ki, ölkə çıxarılan neftin bir hissəsini COVID-19 əleyhinə vaksinlərlə dəyişə bilər.
AZƏRTAC xəbər verir ki, bu barədə Venesuelanın dövlət başçısı Nikolas Maduro COVID-19 ilə mübarizə tədbirlərinin həftəlik monitorinqi zamanı bildirib. “Neft vaksinlər üçün, biz hazırıq”, - deyə Venesuela Prezidenti söyləyib.
O, həmçinin vurğulayıb ki, o cümlədən COVAX proqramı çərçivəsində, vaksinlərin ödənilməsi üçün xaricdə dondurulmuş pulların dövriyyəyə buraxılması ilə bağlı qanuni niyyətində israr etməyə davam edəcək. Maduronun sözlərinə görə, bu proqram vasitəsilə ölkə 2,4 milyon doza əldə edəcək ki, bu da Venesuelanın ehtiyaclarının 20 faizinə bərabərdir.
Pandemiya başladıqdan bəri Venesuelada təxminən 156 min 655 yoluxma və 1575-dən çox ölüm halı qeydə alınıb.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
