VERGİ MƏCƏLLƏSİNƏ ƏLAVƏ VƏ DƏYİŞİKLİKLƏR”LƏ BAĞLI SEMİNAR KEÇİRİLMİŞDİR

29.03.2004 [02:48]
Çap et
A⁺ A^-

Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK), “Price VVater House Coopers” şirkəti və “Mühasibat uçotu” jurnalı sahibkarlar üçün “Vergi Məcəlləsinə edilən əlavə və dəyişikliklər” mövzusunda seminar keçirmişdir.

Konfederasiyadan AZƏRTAC-a bildirmişlər ki, Azərbaycanda fəaliyyət göstərən iş adamlarını Vergi Məcəlləsinə edilən əlavə və dəyişikliklərlə tanış etmək və bu sahədə onları maraqlandıran suallara cavab vermək məqsədilə keçirilən seminara 30 şirkətin nümayəndəsi gəlmişdi.

ASK-nın prezidenti Ələkbər Məmmədov giriş sözündə seminarın əhəmiyyəti və məqsədi barədə danışmışdır.

Ekspertlər Vergi Məcəlləsinə edilən əlavə və dəyişikliklər barədə ətraflı məlumat vermiş, sahibkarları maraqlandıran sualları cavablandırmışlar.