Vətəndaşların elektron sistem vasitəsilə kirayə mənzil seçimi davam edir
Bakı, 13 mart, AZƏRTAC
İpoteka və Kredit Zəmanət Fondunun (İKZF) kirayə mənzil mexanizmi üzrə vətəndaşların elektron sistem vasitəsilə mənzil seçimi prosesi davam edir.
İKZF-dan AZƏRTAC-a bildirilib ki, fondun razılıq barədə qərarını əldə edən 150 vətəndaşdan 56-sı onlara təyin olunan maksimal aylıq ödəniş məbləğinə uyğun mənzil seçimi edib. Fond tərəfindən “Elektron ipoteka və kredit zəmanət” sistemi (EİKZS) vasitəsilə kirayə mənzil modulu üzrə elektron müraciətlərin qəbulu prosesi də davam etdirilir. Bu günədək elektron sistemdən istifadə edərək kirayə mənzil xidmətinə müraciət edənlərin sayı aşağıdakı kimidir:
|
EİKZS-də elektron kabinet yaradanlar |
8236 |
|
Müraciət formalaşdıranlar |
7408 |
|
Müraciət göndərənlər |
5769 |
|
Sənəd təqdim edənlər |
292 |
|
Razılıq qərarı alanlar |
150 |
|
Razılıq verilməsindən imtina olunanlar |
1 |
|
Mənzil seçimi edənlər |
56 |
Kirayəçilərə dair tələblər, müraciətlərin qəbulu, onlara baxılması, yaşayış sahələrinin seçilməsi və rəsmiləşdirilməsi barədə ətraflı məlumatı fondun internet səhifəsindən (“www.mcgf.az”), habelə “1549” Çağrı mərkəzinə zəng etməklə, həmçinin EİKZS-dən istifadə ilə bağlı məlumatı sistemdə yerləşdirilmiş təlimatla tanış olmaqla əldə etmək mümkündür.
Eyni zamanda, vətəndaşlar fond tərəfindən ilkin mərhələdə satmaq öhdəliyi ilə kirayəyə verilməsi nəzərdə tutulan yaşayış sahələrinin yerləşdiyi ərazi, sayı, sahəsi və digər məlumatlarla (“www.mcgf.az”) vasitəsilə tanış ola bilərlər.
Bölmənin digər xəbərləri
