QHT sədri: Kəlağayı qadın zərifliyinin, incəliyinin rəmzidir
Bakı, 15 oktyabr, AZƏRTAC
Azərbaycan qadınının milli geyiminin mühüm elementi olan kəlağayı xalqımızın milli-mənəvi dəyərlərinin ayrılmaz hissəsidir. O, həm də qadın zərifliyinin, incəliyinin və gözəlliyinin rəmzidir.
Bunu AZƏRTAC-a açıqlamasında “Yeni Həyat” Humanitar və Sosial Dayaq İctimai Birliyinin sədri Nailə İsmayılova deyib.
O bildirib ki, əsrlər boyu nənələrimiz kəlağayı ənənəsini qoruyaraq bu dəyəri nəsildən-nəslə ötürüblər. Bu gün də əsas məqsəd həmin irsi yaşatmaq və gələcək nəsillərə çatdırmaqdır.
N. İsmayılova vurğulayıb ki, milli-mənəvi dəyərlərimizin gənc nəslə aşılanması, adət-ənənələrimizin qorunması və yaşadılması hər birimizin üzərinə düşən mühüm vəzifədir. Onun sözlərinə görə, kəlağayı kimi milli dəyərlərimizi gələcək nəsillərə ötürmək xalqımızın zəngin mədəni irsinin davamlılığını təmin etmək baxımından xüsusi əhəmiyyət daşıyır.
Bölmənin digər xəbərləri
