Vladimir Putin: Nasizmə sovet xalqı qalib gəlib
Moskva, 24 iyun, AZƏRTAC
Nasizmə sovet xalqı qalib gəlib. Onlar Sovet İttifaqının bütün respublikalarından olan ən müxtəlif millətlərə məxsus insanlar idi.
AZƏRTAC xəbər verir ki, bu sözləri Rusiya Prezidenti Vladimir Putin Böyük Vətən müharibəsində Qələbənin 75 illik yubileyi münasibətilə iyunun 24-də Moskvada keçirilən hərbi paradda çıxışı zamanı söyləyib.
Rusiya Prezidenti deyib ki, həm ön cəbhədə, həm arxa cəbhədə, həm də partizan dəstələrində sovet xalqı birlikdə mərdliklə mübarizə aparıb. “Biz Böyük Vətən müharibəsində həlak olanların ruhu qarşısında baş əyirik... Sovet xalqı Avropanın azadlığı uğrunda əvəzsiz qurbanlar verib və biz bunu heç vaxt unutmamalıyıq”, - deyə V.Putin vurğulayıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
