VOLEYBOL ÜZRƏ ÖLKƏ ÇEMPİONU APRELDƏ MÜƏYYƏNLƏŞƏCƏK
Günün ən maraqlı qarşılaşması “Azərneft-1” və “Metro” komandaları arasında olmuşdur.
İlk pley-offda “Azərneft-1”i məğlub etmiş “Metro” ölkə çempionatının qızıl medallarına sahib olmaq üçün bu dəfə də rəqibini yenməli idi. Lakin, gərgin idman mübarizəsi şəraitində keçən oyun “Azərneft-1”in 3:2 hesablı qələbəsi ilə başa çatmışdır. Bu görüşdə ölkə çempionu müəyyənləşmədiyindən, qalib həmin komandalar arasında keçiriləcək daha üç oyundan sonra məlum olacaqdır. Görüşlər aprelin 4-6-na nəzərdə tutulmuşdur.
“Azərneft-2”ni 3:0 hesabı ilə məğlub edən “Rabitə” voleybolçuları isə bürünc medallara sahib olmuşlar.
V-VI yerlər uğrunda oyunda Şəkinin “İpəkçi” komandası Masallının “Xan” klubu ilə görüşmüşdür. Şəki voleybolçuları 3:0 hesabı ilə qələbə qazanaraq, çempionatı beşinci yerdə başa vurmuşlar.
Bölmənin digər xəbərləri
