Volkan Bozkır: Azərbaycanın Qoşulmama Hərəkatına sədrliyi çox uğurludur
Bakı, 9 mart, AZƏRTAC
Azərbaycanın Qoşulmama Hərəkatına sədrliyi çox uğurludur. Azərbaycan qlobal problemlərə öz məsələsi kimi baxır. Əgər hansısa institutun fəaliyyəti uğurludursa, o, BMT-nin işinə də təsir göstərir. Azərbaycan bunu bacardı.
AZƏRTAC xəbər verir ki, bu fikirləri BMT Baş Assambleyasının 75-ci Prezidenti, Türkiyə Böyük Millət Məclisinin üzvü Volkan Bozkır X Qlobal Bakı Forumu çərçivəsində “Çoxtərəfliliyin yenidən kəşfi: Qoşulmamanın yeni dövrü?" mövzusunda keçirilən panel müzakirələrdə deyib.
Yeni eranın başlandığını qeyd edən Bozkır bildirib: “BMT bir çox sahələrdə fəaliyyət göstərir. Digər sahələrdə fəaliyyəti uğurlu olsa da, siyasi məsələlərin həlli ilə bağlı bunu demək mümkün deyil. Bəzi ölkələr BMT-nin Təhlükəsizlik Şurasında qalmaq istəyir, bəziləri isə istəmir. Bəzilərinin isə ümumiyyətlə buna ehtiyacı yoxdur. Ölkənin veto hüququ varsa, öz sözünü Şurada deyə bilir. Təbii ki, bu imkanlar nəticəyə gətirib çıxarır”.
Bölmənin digər xəbərləri
