Vüqar Süleymanov: Müharibədən sonra 85 mindən çox mina və partlamamış hərbi sursat zərərsizləşdirilib
Bakı, 4 aprel, AZƏRTAC
Bəşəriyyət mina təhlükəsi ilə üz-üzədir.
AZƏRTAC məlumatına görə, bunu Minatəmizləmə Agentliyinin İdarə Heyətinin sədri Vüqar Süleymanov 4 Aprel - Beynəlxalq Mina Xəbərdarlığı və Mina Təhlükəsi ilə Mübarizəyə Yardım Günü ilə əlaqədar “Gizli ölüm toxumları” kitabının təqdimatı mərasimində çıxışı zamanı deyib.
“Hazırda 70-dən çox ölkə mina problemi ilə üzləşib. Təəssüflər olsun ki, Azərbaycan ərazisi minalarla ən çox çirklənən ölkələrdəndir.
Azərbaycanda postmünaqişə dövründə 75 min hektardan çox ərazi minalardan təmizlənib. 85 mindən çox mina və partlamamış hərbi sursat aşkar edilərək zərərsizləşdirilib”, - deyə o bildirib.
Bölmənin digər xəbərləri
