Vyetnam Venesuelaya yardım və xilasetmə qrupu göndərib
Bakı, 29 iyun, AZƏRTAC
“Vietnam Airlines” Venesuelada baş verən zəlzələlərdən sonra bərpa işlərinə dəstək məqsədilə axtarış-xilasetmə qrupları və humanitar yardım ləvazimatları daşıyan xüsusi uçuş həyata keçirib.
AZƏRTAC Vyetnamın VNA informasiya agentliyinə istinadla xəbər verir ki, VN66 reysi ilə Venesuelaya 124 nəfərdən ibarət xilasetmə heyəti, 10 axtarış iti, həmçinin təxminən 25 ton yardım və xüsusi avadanlıq göndərilib.
“Airbus A350” təyyarəsi Hanoydan yola düşüb və Parisdə texniki dayanacaqdan sonra Karakas şəhərinə istiqamət alıb. Xüsusi missiya zəlzələdən zərər çəkmiş ərazilərdə xilasetmə və humanitar əməliyyatlara dəstək vermək məqsədi daşıyır.
Bölmənin digər xəbərləri
