X UŞAQ MUĞAM FESTİVALININ YEKUN KONSERTİ
Gənclər, İdman və Turizm Nazirliyinin dəstəyi ilə “Kainat” Gənclik Mərkəzinin təşkil etdiyi festivalın təşkilat komitəsi Naxçıvan, Gəncə və Bakı şəhərlərində üç mərhələdə müsabiqə keçirmiş, 187 uşaq arasından 13 istedad seçilmişdir. Yekun konsertində 9-15 yaşlı uşaqlar muğam, təsnif və xalq mahnılarını oxumuşlar. Münsiflər heyətinin qərarı ilə qaliblər elan olunmuşdur. Baş mükafata - “Qran-pri”yə Azər Verdiyev (Gəncə), 1-ci yerə Nigar Məmişova (Bakı), 2-ci yerə Orxan Əbilov (Bakı), 3-cü yerə Cahangir Babayev (Bakı) layiq görülmüşlər. 5 ifaçı həvəsləndirici, digər iştirakçılar isə müxtəlif nominasiyalar üzrə mükafat almışlar.
Bölmənin digər xəbərləri
