Xalq Artisti Mirzə Babayevin 100 illik yubileyi qeyd edilmişdir
Bakı, 20 noyabr (AZƏRTAC). Bakı Şəhər Mədəniyyət və Turizm İdarəsinin təşkilatçılığı ilə 3 nömrəli uşaq incəsənət məktəbində Xalq Artisti Mirzə Babayevin 100 illik yubileyinə həsr olunmuş “Kimlər gəldi, kimlər getdi” mövzusunda tədbir keçirilmişdir.
AZƏRTAC xəbər verir ki, tədbirdə məktəb şagirdlərinin müğənninin oxuduğu mahnılara çəkdikləri rəsmlər nümayiş etdirilmişdir.
Sonra Mirzə Babayevin xatirə lent yazısı səsləndirilmiş və müğənni haqqında çəkilmiş film nümayiş olunmuşdur.
Bakı Şəhər Mədəniyyət və Turizm İdarəsinin əməkdaşı Mehriban Qurbanova və məktəbin müəllimi Təranə Salamova və başqaları unudulmaz sənətkarın həyat və yaradıcılığından söhbət açmışlar.
Sonda xanəndə və vokal ixtisasları üzrə təhsil alan şagirdlərin ifasında ustadın repertuarından mahnılar səsləndirilmişdir.
Bölmənin digər xəbərləri
