XARİCİ İŞLƏR NAZİRİ MOLDOVA SƏFİRİ İLƏ GÖRÜŞMÜŞDÜR
Azərbaycana səfir təyin olunmasından məmnunluğunu bildirən İon Rubo etimadnaməsinin surətini nazirə təqdim etmiş və öz ölkəsinin xarici işlər nazirinin salamlarını Elmar Məmmədyarova çatdırmışdır.
Nazir yeni təyinat münasibətilə səfiri təbrik edərək, onun fəaliyyətinin ölkələrimiz arasında hərtərəfli əlaqələrin inkişafına xidmət edəcəyinə inandığını söyləmiş və uğurlar arzulamışdır.
Görüşdə ölkələrimiz arasında ikitərəfli şəkildə və beynəlxalq təşkilatlar çərçivəsində siyasi, iqtisadi və mədəni əlaqələrin daha da genişləndirilməsi, regional münaqişələrin sülh yolu ilə həlli, bölgədə həyata keçirilən irimiqyaslı iqtisadi layihələr və qarşılıqlı maraq doğuran digər məsələlər ətrafında fikir mübadiləsi edilmişdir.
Ermənistan-Azərbaycan, Dağlıq Qarabağ münaqişəsinin həllinə toxunan nazir E.Məmmədyarov bu problemin beynəlxalq hüququn norma və prinsiplərinə əsaslanaraq, Azərbaycanın ərazi bütövlüyü və Konstitusiyası çərçivəsində həll edilməsinin vacibliyini vurğulamışdır. O, GUAM dövlətləri tərəfindən “dondurulmuş münaqişələr” problemi barədə dünya ictimaiyyətinin mütəmadi olaraq məlumatlandırılması və məsələnin daim diqqət mərkəzində saxlanmasının zəruriliyini bildirmişdir.
Bölmənin digər xəbərləri
