XARİCİ İŞLƏR NAZİRLİYİNİN MƏTBUAT MƏRKƏZİ XƏBƏR VERİR
Martın 18-də Azərbaycan Respublikasının xarici işlər naziri Vilayət Quliyev İsrail dövlətinin Azərbaycandakı fövqəladə və səlahiyyətli səfiri Eytan Nayeni qəbul etmişdir.
Görüşdə Vilayət Quliyev və Eytan Naye iki ölkə arasındakı əlaqələrin inkişafına dair ətraflı fikir mübadiləsi aparmışlar.
Səfir Eytan Naye İsrail dövləti ilə Azərbaycan Respublikası arasındakı münasibətlərin inkişafına və daha da genişlənməsinə öz ölkəsində mühüm diqqət yetirildiyini bir daha vurğulayaraq, bu istiqamətdə qarşılıqlı dialoqun fəallaşdırılmasının vacibliyini bildirmişdir. O, nümayəndə heyətləri mübadilələrinin, xüsusən də Azərbaycan Respublikası xarici işlər nazirinin bu il İsrailə planlaşdırılan səfərinin bu baxımdan əhəmiyyətli olduğunu qeyd etmişdir.
Ölkəmizin xarici siyasət idarəsinin başçısı Vilayət Quliyev iki ölkə arasındakı əməkdaşlığın gələcək perspektivlərinə böyük əhəmiyyət verdiyini vurğulayaraq, qarşılıqlı surətdə faydalı əlaqələrin davam etdirilməsinə tərəfdar olduğunu bildirmişdir.
Sonra Eytan Naye Yaxın Şərqdəki vəziyyət barədə nazir Vilayət Quliyevə ətraflı məlumat vermişdir.
Görüşdə qarşılıqlı maraq doğuran bir sıra məsələlər də müzakirə olunmuşdur.
Bölmənin digər xəbərləri
