XARİCİ ÖLKƏLƏRİN SƏFİRLƏRİ AĞACƏKMƏ AKSİYASINDA İŞTİRAK ETMİŞLƏR
Bakı, 19 aprel (AZƏRTAC). “Ekologiya ili” çərçivəsində Goranboy və Şəmkirdə növbəti iməciliklər keçirilmişdir.
İməciliklərdə idarə və müəssisələrin nümayəndələri, rayon sakinləri ilə yanaşı Milli Məclisin deputatları, Türkiyənin, Yaponiyanın, Cənubi Koreya və Norveçin Azərbaycandakı səfirləri də iştirak etmişlər.
“Yaşıllaşsın İpək Yolu” devizi altında həyata keçirilən aksiyanın iştirakçıları Şəmkirin Sabirkənd ərazisində və Goranboy-Ağcakənd avtomobil yolunun ətrafında xeyli ağac əkmişlər.
2010-cu ilin “Ekologiya ili” elan edilməsini yüksək qiymətləndirən səfirlər bu addımı dəstəklədiklərini və belə aksiyalara tez-tez qoşulacaqlarını bildirmişlər.
Bölmənin digər xəbərləri
