Xəyal Əhmədov: İdmanla məşğul olmaq gündəlik həyat tərzimizə çevrilib
Bakı, 18 yanvar, AZƏRTAC
İdmanla məşğul olmaq gündəlik həyat tərzimizə çevrilib.
AZƏRTAC xəbər verir ki, bu sözləri peşəkar kikboksçu Xəyal Əhmədov deyib.
Kikboksçu bildirib ki, gənclərimizin idmana cəlb olunması və onlarda bu sahəyə marağın yaradılması üçün dövlət tərəfindən həyata keçirilən proqramlar gələcək nəsillərin sağlam yetişməsinə böyük təsir göstərəcək. Uğurlu beynəlxalq idman layihələri buna xidmət edir.
Xəyal Əhmədov qeyd edib ki, Azərbaycan Kikboksinq Federasiyası bir sıra beynəlxalq idman yarışları təşkil etməklə, ölkənin idman siyasətində fəallığını nümayiş etdirir. Ölkəmizə sağlam ruhlu gənclər lazımdır. Bu günün idmançıları sabahın əsgər və zabitləridir. Torpaqlarımız işğal altındadır və bizi qarşıda torpaqlarımızın azadlığı gözləyir. Bir kikboksçu olaraq, Ali Baş Komandanın əsgəriyəm. Bununla fəxr edirəm.
Bölmənin digər xəbərləri
