«XƏZƏR-LƏNKƏRAN» ŞAHMAT KOMANDASI AZƏRBAYCAN ÇEMPİONU ADINI QAZANMIŞDIR
Lənkəran, 9 yanvar (AZƏRTAC). Respublika Şahmat Mərkəzində Azərbaycanın klub komandaları arasında keçirilən respublika birinciliyində paytaxtın klubları ilə yanaşı, Gəncə şəhərinin «Kəpəz» və Lənkəran rayonunun «Xəzər-Lənkəran» komandaları da qalib adı uğrunda mübarizə aparmışlar.
«Xəzər-Lənkəran» şahmat komandası bütün görüşləri qələbə ilə başa vuraraq 31 xalla Azərbaycan çempionu adını qazanmışdır.
Lənkəranlı şahmatçılar əldə etdikləri qələbə sayəsində bu il Türkiyədə keçiriləcək Çempionlar Liqasının final mərhələsində respublikamızın idman şərəfini qoruyacaqlar.
Bölmənin digər xəbərləri
