Xocalı faciəsi tariximizə qanla yazılıb
Bakı, 25 fevral, AZƏRTAC
Azərbaycan Milli Elmlər Akademiyasının Genetik Ehtiyatlar İnstitutunda Xocalı faciəsinin 24-cü ildönümünə həsr olunan tədbir keçirilib.
Əvvəlcə faciə qurbanlarının xatirəsi anılıb.
İnstitutdan AZƏRTAC-a bildiriblər ki, tədbirdə bu elm müəssisəsi direktorunun elmi işlər üzrə müavini, professor Naib Əminov bədnam ermənilərin 1992-ci il fevralın 25-dən 26-na keçən gecə havadarlarının köməyi ilə Xocalıda törətdikləri qanlı hadisələrdən danışıb, dinc insanları xüsusi qəddarlıqla qətlə yetirdiklərini diqqətə çatdırıb.
Biologiya üzrə fəlsəfə doktoru Hamlet Sadıqov və digər çıxış edənlər də Xocalı soyqırımının qan yaddaşımıza əbədi həkk olunduğunu söyləyiblər.
Sonra Xocalı faciəsindən bəhs edən videoçarx nümayiş olunub.
Bölmənin digər xəbərləri
