“Xocalı qan yaddaşımız” mövzusunda tədbir keçirilmişdir
Bakı, 20 aprel (AZƏRTAC). Azərbaycan Memarlıq və İnşaat Universitetinin nəzdində fəaliyyət göstərən İnşaat Kollecində “Xocalı qan yaddaşımız” mövzusunda tədbir keçirilmişdir.
AZƏRTAC xəbər verir ki, mərasimdə kollec direktorunun müavini Üzeyir Salehzadə Xocalı faciəsi ilə bağlı tədbirlərin keçirilməsinin vacibliyini vurğulamışdır. Ermənilərin əsrlər boyu xalqımıza qarşı apardıqları təxribatlar, tarixdə bənzəri olmayan Xocalı faciəsi dərin kədər hissi ilə yad edilmişdir. O, Azərbaycan dövləti rəhbərliyinin bu faciələrin beynəlxalq təşkilatlara və dünya ictimaiyyətinə çatdırılması istiqamətində gördüyü işlərdən söhbət açmışdır.
Tədbirdə çıxış edənlər Xocalı soyqırımını insanlığa qarşı yönəldilmiş cinayət adlandırmış, gənclərdə vətənpərvərlik hislərinin aşılanması istiqamətində mütəmadi olaraq bu cür anım tədbirlərinin keçirilməsinin vacibliyini qeyd etmişlər.
Mərasimdə şəhid anaları da ermənilərin törətdikləri vəhşilikləri ürək ağrısı ilə xatırlamışlar.
Sonda tələbələrin ifasında Xocalı soyqırımına həsr olunmuş şeirlər səsləndirilmiş, ədəbi-bədii kompozisiya təqdim edilmişdir.
Bölmənin digər xəbərləri
