“Xocalı soyqırımı-21” mövzusunda tədbir keçirilmişdir
Bakı, 25 fevral (AZƏRTAC). Fevralın 25-də Türkan qəsəbə mədəniyyət mərkəzi E.Mirzəyev adına sağlamlıq imkanları məhdud uşaqlar üçün 6 nömrəli respublika xüsusi internat məktəbində Xocalı soyqırımının 21-ci ildönümünə həsr olunmuş “Xocalı soyqırımı-21” mövzusunda tədbir keçirmişdir.
AZƏRTAC xəbər verir ki, tədbirdə soyqırımı qurbanlarının xatirəsi bir dəqiqəlik sükutla yad edilmişdir.
Sonra mədəniyyət mərkəzinin əməkdaşları və məktəbin müəllimləri erməni silahlı dəstələrinin dinc Azərbaycan əhalisinə qarşı törətdikləri amansız soyqırımı haqqında məruzə ilə çıxış etmişlər.
Tədbirdə məktəbin şagirdləri şeirlər söyləmişlər.
Bölmənin digər xəbərləri
