Xocalı soyqırımı insanlığa qarşı cinayətdir
Bakı, 25 fevral, AZƏRTAC
Fevralın 25-də Azərbaycan Milli Elmlər Akademiyası Hüseyn Cavidin Ev Muzeyində Xocalı soyqırımının 24-cü ildönümünə həsr olunmuş “Bəşəriyyətə və insanlığa qarşı cinayət - Xocalı faciəsi” mövzusunda “dəyirmi masa” keçirilib.
Əvvəlcə faciə qurbanlarının xatirəsi anılıb.
Muzeydən AZƏRTAC-a bildiriblər ki, tədbirdə çıxış edənlər mənfur ermənilərin qəddarlığından, o cümlədən 1992-ci il fevralın 25-dən 26-na keçən gecə keçmiş sovet ordusunun 366-cı motoatıcı alayının köməyi ilə Xocalıda törətdikləri dəhşətli qırğınlardan danışıblar.
Ulu öndər Heydər Əliyevin təşəbbüsü ilə Xocalı faciəsinə siyasi-hüquqi qiymət verildiyi diqqətə çatdırılıb.
Vurğulanıb ki, XX əsrin ən böyük faciəsi olan Xocalı soyqırımı xalqımızın qan yaddaşından silinməyəcək.
Bölmənin digər xəbərləri
