Xüsusi Nümayəndəliyin böyük məsləhətçisi: Azad edilmiş ərazilərdə sıfırdan müasir şəhərsalma sistemi yaradılır
Bakı, 21 may, AZƏRTAC
Bu gün biz sürətli dəyişikliyin baş verdiyi bir dövrdə yaşayırıq: dünyada yeni texnologiyaların inkişafı, həyat səviyyəsinin yüksəlməsi və yeni imkanların yaranması müşahidə olunur. Digər tərəfdən qlobal dünya iqlim dəyişikliyi, sosial bərabərsizliklər və digər əsas problemlərlə üz-üzədir. Azərbaycan bu çağırışların həlli istiqamətində öz sadiqliyini qoruyur və uzunmüddətli dayanıqlı inkişafyönümlü proqramlar həyata keçirir.
AZƏRTAC xəbər verir ki, bunu Şərqi Zəngəzur iqtisadi rayonuna daxil olan Qubadlı, Cəbrayıl və Zəngilan rayonlarında Prezidentin Xüsusi Nümayəndəliyinin böyük məsləhətçisi Nərgiz Qaracayeva BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində "Azərbaycanın ilk milli davamlılıq standartının hazırlanması: davamlı təcrübələr standartı (SPS)" mövzusunda sessiyada çıxışı zamanı deyib.
Azad edilmiş ərazilərdə aparılan bərpa-quruculuq işlərindən bəhs edən N.Qaracayeva bildirib ki, hökumət yalnız əvvəllər mövcud olanı bərpa etmir, eyni zamanda, sıfırdan müasir şəhərsalma sistemi yaradır. Məqsəd keçmiş məcburi köçkünlərin dayanıqlı şəkildə məskunlaşdırılmasıdır: "Həyata keçirdiyimiz bütün inkişaf layihələrində biz BMT-nin Dayanıqlı İnkişaf Məqsədlərini rəhbər tuturuq. Əsas məqsədimiz gələcək nəsillər üçün təhlükəsiz gələcək təmin edən, iqtisadi cəhətdən dayanıqlı və möhkəm icmalar qurmaqdır”.
Bölmənin digər xəbərləri
