XXIV Avrasiya İqtisadi Zirvəsində Ələt Azad İqtisadi Zonasının müzakirəsinə geniş yer ayrılıb
Ankara, 5 iyul, AZƏRTAC
Mərmərə Qrupu Strateji və Sosial Araşdırmalar Vəqfi tərəfindən təşkil olunan XXIV Avrasiya İqtisadi Zirvəsinə hazırlıq işləri başa çatıb. İstanbulda keçiriləcək Zirvədə bəzi ölkələrin parlament sədrlərinin, hökumət üzvlərinin, beynəlxalq təşkilat rəhbərlərinin, sabiq prezident və baş nazirlərin iştirakı təsdiqlənib.
Mərmərə Qrupu Strateji və Sosial Araşdırmalar Vəqfinin sədri, professor Akkan Suverin AZƏRTAC-a verdiyi məlumata görə, yeni növ koronavirus (COVID-19) pandemiyası səbəbindən iştirakçıların bir qismi Zirvəyə onlayn qatılacaqlar.
Azərbaycanın dəstəyi ilə “İnsanlıq cəmiyyəti daha yaxşısına layiqdir” devizi altında keçiriləcək XXIV Avrasiya İqtisadi Zirvəsi yeni növ koronavirus (COVID-19) pandemiyasından sonra dünyanın yeni düzənini müzakirə etməyi qarşısına məqsəd qoyub.
İyulun 7-dən 9-dək davam edəcək Zirvədə açılış mərasimi və altı panel əsasında planlaşdırılıb.
Azərbaycan energetika naziri Pərviz Şahbazov, Ələt Azad İqtisadi Zonasının səlahiyyətli qurumunun İdarə Heyətinin sədri Valeh Ələsgərovun Zirvədə çıxışları nəzərdə tutulub.
Zirvənin panellərindən biri Avropa-Qafqaz-Asiya və Şimal-Cənub nəqliyyat dəhlizinin strateji coğrafi əhəmiyyəti əsasında təməli qoyulan Ələt Azad İqtisadi Zonasına həsr olunacaq. Bu hissədə Azərbaycan Prezidenti İlham Əliyevin Azərbaycanı beynəlxalq rəqabətə davamlı iqtisadi yüksəlişə yönəltməsi siyasətinin təhlil ediləcək.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
