YANVAR AYINDA XARİCİ TİCARƏT DÖVRİYYƏSİ335,2 MİLYON DOLLAR TƏŞKİL ETMİŞDİR

29.03.2004 [14:52]
Çap et
A⁺ A^-

Dövlət Statistika Komitəsindən AZƏRTAC-ın müxbirinə bildirmişlər ki, bu ilin yanvar ayında ölkəmizdə xarici ticarət dövriyyəsinin ümumi həcmi 335,2 milyon ABŞ dolları, o cümlədən ixrac 132,2 milyon dollar təşkil etmişdir. Ötən ilin müvafiq dövrü ilə müqayisədə xarici ticarət dövriyyəsinin ümumi həcmi 8,4 faiz, o cümlədən idxal 50,1 faiz artmış, ixrac 24 faiz azalmışdır. Xarici ticarət əməliyyatlarının 39,7 faizi Avropa Birliyi ölkələri ilə aparılmışdır. Azərbaycanın xarici ticarət tərəfdaşları arasında İtaliya, Rusiya, Türkiyə, İngiltərə, Fransa, Almaniya, İran ilk yerləri tuturlar.

Ölkəmizə əsasən maşın və mexanizmlər, nəqliyyat vasitələri, ərzaq malları, cihaz və aparatlar, elektronika və tibb avadanlığı, kimya sənayesi məhsulları, qiymətli metallar və onlardan hazırlanmış məmulatlar idxal edilmişdir. Xatırladaq ki, 2003-cü illə müqayisədə respublikamıza gətirilən kərə yağı, çay, düyü, şəkər, təbii qaz, rezin şinlərin miqdarı azalmışdır. Yaxın və uzaq xaricə isə ərzaq, neft və neft emalı, kimya sənayesi məhsulları, az qiymətli metallar, toxuculuq məmulatları göndərilmişdir.

YANVAR AYINDA XARİCİ TİCARƏT DÖVRİYYƏSİ335,2 MİLYON DOLLAR TƏŞKİL ETMİŞDİR

MÜƏLLİFLƏ ƏLAQƏ

Bölmənin digər xəbərləri