DÜNYA
Yapon mahnısı “Ginnesin rekordlar kitabı”na salınıb VİDEO
Bakı, 28 oktyabr, AZƏRTAC
Yaponiyalı yumor ustası Piko-Taronun “Billboard” jurnalına düşən və artıq interneti fəth edən mahnısı “ən qısa mahnı” kimi dünya rekordunu təzələyib.
AZƏRTAC Vesti.ru saytına istinadla xəbər verir ki, “Pen-Pineapple-Apple-Pen” mahnısı 51 saniyə davam edir. Mahnıya çəkilən klipdə yaponiyalı rəqs edərək almanı, ananası və qələmi birləşdirir. Bu video avqust ayında “YouTube”da yerləşdirilib və sadə, cəlbedici melodiyasına görə dərhal populyarlaşıb. İndiyədək həmin klipə 200 milyondan çox istifadəçi tamaşa edib.
Piko-Taroya rekordunu təsdiqləyən sertifikat oktyabrın 28-də Tokioda mətbuat konfransında təqdim edilib. Hələlik əsərindən gəlir əldə etmədiyini deyən yaponiyalı onun mahnısını bütün dünyada satışa çıxaracaq bir neçə iri səsyazma kompaniyası ilə müqavilə imzaladığını bildirib.