Yaponiyada “Twitterdən olan qatil” ölüm cəzasına məhkum edilib
Bakı, 15 dekabr, AZƏRTAC
Tokio məhkəməsi “Twitterdən olan qatil” kimi tanınan 30 yaşlı Takahiro Siraisimi barəsində ölüm hökmü çıxarıb.
AZƏRTAC Kyodo News agentliyinə istinadla xəbər verir ki, Siraisimi 2017-ci ildə səkkiz qadının və bir kişinin qətlində günahkar bilinib.
Qatil intihara meylliyi barədə məlumatlar paylaşan Twitter istifadəçiləri ilə tanış olaraq onları Tokiodan 36 kilometr məsafədə yerləşən Zama şəhərindəki evinə dəvət edib, sonra isə öldürərək hissələrə parçalayıb. 2017-ci il oktyabrın 31-də - “Halloween” günündə onun 13,5 kvadratmetrlik evindəki soyuducuda və alətlər üçün nəzərdə tutulan qutuda insan cəsədlərinin qalıqları - 9 kəsilmiş baş və 240 sümük aşkarlanıb.
Hakim qurbanların həyatla vidalaşmağa raziliq vermədiyi qənaətinə gəlib və Takahiro Siraisimi prosesin sonunda bunu təsdiqləyərək günahını boynuna alıb.
Bölmənin digər xəbərləri
