Yaponiyaya məxsus yanan təyyarədə 5 ekipaj üzvü həlak olub YENİLƏNİB VİDEO
Pekin, 2 yanvar, AZƏRTAC
“Yaponiya Hava Yolları”na məxsus sərnişin təyyarənin Tokionun “Haneda” hava limanına enərkən sahil mühafizə bölmələrinə məxsus təyyarə ilə toqquşması nəticəsində 5 ekipaj üzvü həlak olub.
AZƏRTAC xəbər verir ki, bu barədə NHK telekanalı məlumat yayıb.
Toqquşmanın səbəbləri barədə hələ ki, məlumat yoxdur.
14:11
Tokionun “Haneda” beynəlxalq hava limanında “Yaponiya Hava Yolları” şirkətinə məxsus sərnişin təyyarə yanıb.
AZƏRTAC Yaponiya mediasına istinadla xəbər verir ki, ölkənin Hokkaydo adasından Tokioya gələn “Airbus A350” tipli təyyarə yerli vaxtla saat 16:00 radələrində uçuş zolağına endikdən sonra Yaponiyanın sahil mühafizə bölmələrinə məxsus təyyarə ilə toqquşub.
Dərhal hadisə yerinə xilasedicilər və yanğınsöndürənlər cəlb olunub. Təyyarədə olan 379 sərnişin və heyət üzvləri təxliyə edilib.
Hazırda yağınsöndürənlər alovu nəzarət altına almağa çalışır.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
