Yaşıllıqların mühafizəsi üzrə yol verilmiş qanun pozuntularına görə 270 nəfər cərimələnib
Bakı, 17 noyabr, AZƏRTAC
Doqquz ay ərzində yaşıllıqların mühafizəsi üzrə hüquqi və fiziki şəxslər barəsində 775 akt və 286 protokol tərtib olunub. Aşkar edilmiş nöqsanların aradan qaldırılması üçün icrası məcburi olan 89 müddətli “məcburi göstəriş” verilib.
Bu barədə AZƏRTAC-a Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin sektor müdiri Raqub Mirzəyev məlumat verib.
Bildirilib ki, ümumilikdə, 270 nəfər 344 min 700 manat məbləğində cərimələnib, ətraf mühitə dəymiş ziyana görə 223 fakt üzrə 160 min 589 manat məbləğində iddia qaldırılıb. Tədbir görülməsi üçün hüquq mühafizə orqanlarına 236, məhkəmələrə 62 iş göndərilib.
Bölmənin digər xəbərləri
