Yay mövsümünün yaxınlaşması ilə əlaqədar Azərbaycanda bütün turizm obyektləri yoxlanılacaqdır
Bakı, 16 aprel (AZƏRTAC). Yay mövsümünün yaxınlaşması ilə əlaqədar Azərbaycanda bütün turizm obyektləri, o cümlədən hotel, mehmanxana və istirahət mərkəzləri yoxlanılacaqdır.
AZƏRTAC xəbər verir ki, bunu mədəniyyət və turizm naziri Əbülfəs Qarayev jurnalistlərə açıqlamasında bildirmişdir. Qeyd edilmişdir ki, Azərbaycanda turizm mövsümü adətən iyunun 15-də açılır. Ona görə də yoxlamalar mayın sonunda - iyunun əvvəlində aparılacaqdır.
Nazir xidmət səviyyəsinin aşağı olduğu və lisenziyasız işləyən turizm obyektlərinin fəaliyyətinin dayandırılacağını vurğulamışdır.
Bölmənin digər xəbərləri
