Yeni Azərbaycan Partiyası Quba rayon təşkilatının üzvləri Xocalı soyqırımı qurbanlarının xatirəsini anmışlar
Quba, 23 fevral (AZƏRTAC). Yeni Azərbaycan Partiyası (YAP) Quba rayon təşkilatının üzvləri Xocalı soyqırımının 21-ci ildönümünə həsr olunmuş mərasimdə faciə qurbanlarının xatirəsini anmışlar.
AZƏRTAC xəbər verir ki, mərasimdə çıxış edənlər bildirmişlər ki, 1992-ci il fevralın 25-dən 26-na keçən gecə Azərbaycan xalqının tarixinə qara hərflərlə yazılmışdır. Həmin gecə erməni silahlı dəstələri Xankəndi şəhərində yerləşmiş, komanda və şəxsi heyətinin əksəriyyəti ermənilərdən ibarət olan keçmiş SSRİ-nin 366-cı motoatıcı alayının zirehli texnikası və hərbçilərinin köməyi ilə Xocalı şəhərini yerlə-yeksan etmişlər.
Mərasimdə ermənilərin tarix boyu xalqımıza qarşı soyqırımı siyasəti yeridərək Azərbaycanın ayrı-ayrı bölgələrində dinc sakinlərə qarşı qırğınlar törətməsindən danışılmışdır. Bildirilmişdir ki, ermənilərin 1918-ci ildə Azərbaycanın regionlarında, o cümlədən Qubada törətdikləri qırğınlara, XX əsrin sonlarında isə Dağlıq Qarabağda, o cümlədən Xocalıda həyata keçirdikləri soyqırımı aktlarına beynəlxalq miqyasda hüquqi qiymətin verilməsi zəruridir.
Bölmənin digər xəbərləri
