Yeni Azərbaycan Partiyasının yaradılmasının 20 illiyi münasibətilə Şüvəlanda iməcilik keçirilmişdir
Bakı, 8 noyabr (AZƏRTAC). Yeni Azərbaycan Partiyasının (YAP) yaradılmasının 20-ci ildönümü münasibətilə “Təmiz Şəhər” Açıq Səhmdar Cəmiyyəti tərəfindən Xəzər rayonundakı Şüvəlan çimərliyində iməcilik keçirilmişdir.
ASC-nin mətbuat xidmətindən AZƏRTAC-a bildirmişlər ki, YAP Xəzər rayon təşkilatının gənclər birliyi ilə birgə təşkil olunan aksiyada 100-ə yaxın şəxs iştirak etmişdir.
Aksiya çərçivəsində çimərlik ərazisi plastik torba, butulka, kağız, karton və digər məişət tullantılarından təmizlənmişdir. Toplanmış tullantılar hazırda sınaq rejimində fəaliyyət göstərən bərk məişət tullantılarının çeşidlənməsi zavoduna daşınmışdır.
Bölmənin digər xəbərləri
