Yenidən zədələnən Neymar meydanı göz yaşları ilə tərk edib
Bakı, 17 aprel, AZƏRTAC
Braziliya millisinin və “Santos” klubunun futbolçusu Neymar yenidən zədələnib.
AZƏRTAC xəbər verir ki, 33 yaşlı hücumçu ölkə çempionatında evdə "Atletiko Mineyro"ya qarşı keçirilmiş IV tur oyununda (2:0) ayağından xəsarət alıb.
Ulduz oyunçu matçı başa vura bilməyib. O, cəmi 34 dəqiqə oynadıqdan sonra zədələnib. Bu səbəbdən əvəzlənən forvard meydanı göz yaşları ilə tərk edib.
Qeyd edək ki, Neymar mart ayında aldığı zədəni bir müddət əvvəl sağaldaraq yaşıl meydanlara qayıtmışdı.
Bölmənin digər xəbərləri
